FRONTEIRAS

Co gallo das Letras Galegas, FRONTEIRAS será proxectado o vindeiro xoves 21 de maio ás 20:30 horas na coruñesa Casa das Atochas (Rúa Atocha Alta, 14), acto que tamén incluirá unha presentación a cargo de Rubén Pardiñas, director do documental.

Máis información aquí
  

O vindeiro domingo 17 de maio, Día das Letras Galegas, o festival “Orcellón fala e Canta” de O Carballiño programou un pase do documental FRONTEIRAS, de Rubén Pardiñas. Haberá unha presentación a cargo do director da película, e se cadra un pequeno debate despois da proxección, que comezará ás 20.00 horas na Casa da Cultura.

Máis información e programación completa con tódolos actos aquí
  

Esta semana o Teatro Principal de Santiago de Compostela vai celebrar un ciclo de cinema galego que inclúe na programación os documentais A TERCEIRA PÓLA e FRONTEIRAS. Haberá dúas sesións dobres. A primeira mañá martes 10 de marzo ás 22:00 horas, e a segunda o vindeiro venres 13, ás 20:15 horas. A entrada é de balde.

Máis información aquí
  

Co gallo das vindeiras proxeccións de FRONTEIRAS (o mércores 18 en Tui e o venres 20 en Marín), o Diario Cultural da Radio Galega adícaralle a sección “Páxina do Audiovisual” ao documental de Rubén Pardiñas. O programa, que sae ás ondas dende as 15:00 até as 16:00 horas, emitirá durante toda a semana pequenos audios da película.

Do 31 de outubro ao 6 de novembro vaise celebrar no compostelán Museo do Pobo Galego a III Mostra de Cinema Etnográfico. O documental A TERCEIRA PÓLA, dirixido por Rubén Pardiñas, vén de ser incluído na programación, e proxectarase o martes 4 de novembro ás 19:00 horas.

Máis información aquí
  

O pase, dentro da sección Panorama Galicia, terá lugar hoxe ás 17:00 horas no Centro Cultural da Deputación.

Máis información aquí
  

Diario de Cádiz, 19 de setembro:

“Todo el documental parece centrarse en aquellos que buscan lo que separa y no lo que une. Pero en un golpe de manivela final, los que parecen ser enemigos irreconciliables, son, en realidad, amigos, compañeros, familiares o parejas, conscientes de disfrutar de una diversidad que se expresa, en el fondo, en latín vulgar”.

Para ler o artigo completo pica aquí
  

O documental de Rubén Pardiñas vén de ser seleccionado no 6º Festival de Cine de Ponferrada, que terá lugar na cidade berciana do 26 de setembro ao 4 de outubro. Vaise proxectar dentro da sección ´Kaleidoskopio´ o mércores 1 de outubro ás 20:30 horas no Centro Cultural Caja España. 

Máis información aquí
  

A 40 ª edición da Muestra Cinematográfica del Atlántico, que se desenvolve en Cádiz até o 20 de setembro, proxectará FRONTEIRAS o martes 16 ás 19:30 horas, dentro da sección oficial e na categoría de Unidades Documentais. Unha segunda proxección terá lugar o mércores 17 ás 00:30 horas. Os dous pases serán nos Multicines Al-Andalus (El Centro), situado na Plaza del Palillero s/n.

Consulta toda a programación de Alcances
  

A sección ´Panorama Galicia´ da 13ª edición do Festival de Cine Internacional de Ourense incluirá o documental FRONTEIRAS, de Rubén Pardiñas. O festival vaise desenvolver do 11 ao 18 de outubro.

Máis información aquí