FRONTEIRAS

O festival de cinema Cineuropa de Santiago de Compostela, que este ano celebra a súa XXI edición, incluirá FRONTEIRAS, de Rubén Pardiñas, na súa programación. Do 6 de novembro ao 3 de decembro poderanse ver en Santiago arredor de cen películas entre as que estarán os principais premios e filmes dos diferentes festivais internacionais celebrados ao longo desta tempada. A proxección de FRONTEIRAS terá lugar o martes 27 de novembro ás 20:00 horas, no auditorio da Aula Sociocultural Caixa Galicia (Rúa Carreira do Conde, 18). 

Máis información aquí
  

O lingüista e dirixente de NÓS-Unidade Popular Maurício Castro ven de publicar un interesante artigo de opinión sobre a polémica reintegracionismo / isolacionismo. Titulado Quem teme o reintegracionismo?, comeza facendo referencia ás intervencións de Xosé Ramón Barreiro Fernández (presidente da RAG) e Francisco Fernández Rei (académico da RAG) en distintos momentos de FRONTEIRAS, a partires dos cales Maurício Castro desenvolve os seus argumentos ao longo do artigo.

Ler o artigo completo en  Vieiros 
     

FRONTEIRAS foi seleccionado na sección oficial a competición do International Film Festival - Fest ´07 que se desenvolverá na localidade portuguesa de Santa Maria da Feira do 20 de outubro ao 4 de novembro. A proxección será o 31 de outubro ás 18:00 horas, xunto ao documental Salvagens de Filipe Araújo. A sección competitiva inclúe, ademais, os documentais portugueses Rockumentário de Sandra Castiço, Gentes do mar de Dânia Lucas e Bom dia, noite de Rui Costa, os brasileiros Contra Tempo de Ricardo Santini e Isabel Ribeiro, Através das grades de Renato Cavalcanti e Mestre Babalu de Clarissa Rebouças, os españois Los borbones, sé mongol de Fran J. S. C. e Regular de Alfonso Nogueroles, o australiano Wittenoom de Caro Macdonald, o arxentino Todos por $1 de Maximiliano González, o eslovaco Moya teta timrava de Katarina Kocalkova, e o surafricano Birdman de Rob Nicholls.

Máis información aquí